“Jinling Shipyard” dörd dəniz avtomobil daşıyıcısı inşa edəcək
İsveç-Norveçin Ro-Ro donanmasının operatoru “Wallenius Wilhelmsen” yeni yük və sərnişin nəqliyyat vasitələrinin (PCTC) daşınması üçün dörd ixtisaslaşdırılmış gəminin tikintisini sifariş verib.
“Seanews.az” xəbər verir ki, yeni gəmilər daşıyıcının donanmasının ətraf mühitə uyğunluğunu təsdiqləyən “Shaper” sinfinə aiddir.
Dəniz avtomobil daşıyıcıları iki növ yanacaqla, o cümlədən metanolla işləmək üçün mühərriklərlə təchiz ediləcək. Gələcəkdə onlar ammonyakdan istifadə etməyə hazırlana bilər. Yük göyərtəsinin tutumu 9,3 min CEU-dur.
Çinin “Jinling Shipyard” (Jiansu) gəmiqayırma zavodunda ümumilikdə “Shaper” sinifli səkkiz gəmi inşa ediləcək.
Bu seriyanın artıq sifariş edilmiş gəmilərindən birincisi 2026-cı ilin ikinci yarısında istismara veriləcək. Təsdiqlənmiş variant üzrə dörd gəminin təhvil verilməsi 2027-ci ilin may-noyabr aylarında gözlənilir.
Yeni gəmilərin tikintisi “Wallenius Wilhelmsen”-in Ro-Ro donanmasında gəmilərin sayını 125-135-ə çatdırmaq, eləcə də şirkətin 2027-ci ilə qədər tullantıları sıfra endirmək strategiyasının bir hissəsidir.
Daha əvvəl xəbər verildiyi kimi, “Wallenius Wilhelmsen” 2023-cü ilin avqustunda 9,3 min CEU tutumlu dörd dəniz avtomobili daşıyıcısının tikintisinə dair niyyət sazişi imzalayıb. Sənəd əlavə olaraq eyni Ro-Ro gəmilərindən 8-in tikintisi (təsdiq edildikdən sonra) üçün seçim təklif edir.
“Wallenius Wilhelmsen” Ro-Ro yüklərinin daşınması ilə məşğul olan gəmiçilik və logistika şirkətdir. Altı qitədə 15 gəmiçilik marşrutuna xidmət edən 126 gəmiyə, qlobal logistika şəbəkəsinə, 120 emal və çatdırılma mərkəzinə və 11 dəniz terminalına sahibdir və onları idarə edir.