• Bakı, 2019-09-18,
Seanews
Heyder Eliyev

class="short-news-header">BP: “Şəfəq-Asiman” blokunda kəşfiyyat quyusunun qazılmasına gələn ay başlanıla bilər

“Şəfəq-Asiman" üzrə Kəşfiyyat Qazma Layihəsi Şəfəq-Asiman müqavilə sahəsinin daxilində kəşfiyyat quyusunun (SAXO1 adlanan) qazılmasından ibarətdir. Quyunun qazılması ilə əlaqədar planlaşdırılan fəaliyyətin həyata keçirilməsinə icazə almaq üçün Ətraf Mühitə və Sosial-İqtisadi Sahəyə Təsirin Qiymətləndirilməsi (ƏMSSTQ) hesabatı hazırlanaraq bu il avqust ayının 2-də Ekologiya və Təbii Sərvətlər Nazirliyinə təqdim edilib.

"Report" xəbər verir ki, bunu “BP Azerbaijan” şirkətinin mətbuat katibi Tamam Bayatlı deyib.

Onun sözlərinə görə, hazırda BP hökumətin icazəsini gözləyir: “Təxminən oktyabr ayında hökümətdən layihənin icrasına başlanılması üçün cavab gözləyirik. Müsbət cavab verilərsə artıq quyunun qazılmasına başlanılacaq. SAXO1 kəşfiyyat quyusu Şəfəq-Asiman Kontrakt Sahəsində Bakıdan təxminən 125 km cənub-şərqdə suyun dərinliyinin təxminən 624 m olduğu sahədə qazılacaq. Qazmanın cari ilin 4-cü rübündə başlanması və qazma fəaliyyətlərinin tamamlanması üçün 12 aya qədər müddətin lazım olduğunu bildirmişik.

SAXO1 quyusunun qazılmasının məqsədi isə Kontrakt sahəsinin potensial gələcək işlənməsindən qabaq kollektorun bu hissəsində karbohidrogenlərin olub-olmadığını təsdiqləməkdir. SAXO1 quyusu vasitəailə dəniz səviyyəsindən təqribən 6 000-7 000 metr dərinlikdə potensial karbohidrogen kollektorunun açılması planlaşdırılır".

Xatırladaq ki,, “Şəfəq-Asiman” bloku üzrə müqavilə 2010-cu ilin oktyabrında imzalanıb. BP və Azərbaycan Dövlət Neft Şirkəti (SOCAR) arasında imzalanan bu müqavilə 30 ili əhatə edir. Müqavilədə şirkətlərin hər birinin payı 50%-dir. Blok Bakıdan 125 km cənub-şərqdə yerləşir. Burada qaz ehtiyatları olduğu ehtimal edilir.


© Materiallardan istifadə edərkən hiperlinklə istinad olunmalıdır