Ballast suları nə üçündür?
Təyinat məntəqəsində gəminin anbarından yükün boşaldılması ilə paralel onun ballast çənlərinə su vurulur. Gəmi növbəti dəfə yüklənərkən həmin su dənizə axıdılır.
Burada əsas məqsəd yükləmə və ya yükboşaltma əməliyyatından sonra yarana biləcək yana, irəli və geriyə əyilmələrin qarşısını almaqdır.
Məsələn, müvazinətini saxlaya bilməsi üçün gəminin sağ hissəsinə yaxın yerləşdirilmiş yükün çəkisi qədər onun sol hissəsindəki ballast çəninə su vurulur.
Müasir gəmilər ikidibli və ikibortlu lahiyələndirilir. Bu bort və diblər arasındakı boşluqlardan ballast suları üçün çən kimi istifadə edilir.
© Materiallardan istifadə edərkən hiperlinklə istinad olunmalıdır
