Yeni sistem dəniz gəmilərinin ənənəvi yelkənlərindən daha çox təyyarə qanadını xatırladır
“Oceanbird Wing 560” sərt rotorlu yelkən sistemi prinsipcə ən böyük təsnifat cəmiyyəti “DNV” tərəfindən bəyənilib.
“Seanews.az”-ın məlumatına görə, bəyənmə, prinsipcə, razılaşdırılmış çərçivədə konsepsiyanın müstəqil qiymətləndirilməsidir, layihənin həyata keçirilməsinin mümkünlüyünü və onun həyata keçirilməsinə aydın maneələrin olmadığını təsdiq edir.
“DNV” mühəndisləri təsdiq sertifikatı vermək üçün sərt rotorlu yelkənlər konsepsiyasını və onun ekstremal şəraitdə - şiddətli küləkdə, qar yağanda və ya göyərtəni su basanda işləmək imkanlarını araşdırıblar. Onlar həmçinin yelkən və idarəetmə sistemlərinin, baza və mexanizmlərin funksionallığında təkrarlanmanı araşdırıb, elektrik komponentlərinin imkanlarını öyrəniblər.
Sərt dönər yelkənli “Oceanbird Wing 560”-in hündürlüyü 40 metr, eni 14 metr, ümumi sahəsi 560 kvadratmetrdir. Dəniz gəmisinin ənənəvi yelkənlərindən daha çox təyyarə qanadını xatırladır. Şirkət əmin edir ki, gəmidə belə yelkəndən istifadə optimal marşrutlarda yanacağa 10% qənaət etməklə yanaşı, ətraf mühitə atılan tullantılar da azaldacaq.
Yelkənin prototipi payızda İsveçin “Oresund DryDocks” gəmiqayırma zavodunda yığılacaq və 2023-cü ilin sonuna qədər Landskronadakı İsveç sahillərində sınaq üçün yerləşdiriləcək. “Oceanbird Wing 560”-ın tam dəsti ilə işləmək üçün xüsusi olaraq inşa edilən gəmi 2027-ci ildə dənizə çıxacaq.
