Filippin sualtı qayıqlar alacaq
Hərbi texnika və silah arsenalını modernləşdirməyi planlaşdıran Filippin Hindistandan ən azı iki sualtı qayıq və əlavə “BrahMos” raketləri almağa hazırlaşır.
“Seanews.az” “Reuters”-ə istinadən xəbər verir ki, bunu Filippin Silahlı Qüvvələrinin Baş Qərargah rəisi kiçik Romeo Brauner bildirib.
"Biz ən azı iki sualtı qayıq əldə etmək istəyirik. Biz - arxipelağıq. Bizim belə potensialımız olmalıdır, çünki sualtı qayıqlar olmadan bütün arxipelağı qorumaq çox çətindir", - deyib qərargah rəisi.
O, həmçinin qeyd edib ki, Filippin Silahlı Qüvvələri 2025-ci və ondan sonrakı illərdə əlavə “BrahMos” gəmi əleyhinə raket kompleksləri alacaq.
© Materiallardan istifadə edərkən hiperlinklə istinad olunmalıdır
