49,3% payı 1,49 milyard dollara alacaqlar
Cənubi Koreyanın Ədalətli Ticarət Komissiyası (KFTC) “Hanwha Group”-un ziyanla işləyən “Daewoo Shipbuilding & Marine Engineering” (“DSME”) şirkətinin səhmlərinin əksəriyyətini almaq təklifini bəyənib.
Müqavilənin şərtlərinə əsasən, “Hanwha Group”-un törəmə şirkətləri “DSME”-nin ən böyük səhmdarı olan dövlətə məxsus Koreya İnkişaf Bankında (KDB) 49,3% payı 1,49 milyard dollara (2 trilyon von) alacaqlar.
Təsdiqə kimi müxtəlif ölkələrin, o cümlədən Avropa İttifaqı, Yaponiya, Çin, Sinqapur və Böyük Britaniyanın antiinhisar orqanlarından rəsmi icazələr alınıb.
Eyni zamanda, Cənubi Koreyanın Ədalətli Ticarət Komissiyası tərəfindən verilən təsdiqdə “DSME”-nin hərbi-dəniz gəmilərinin tikintisi və müvafiq avadanlıq və texnologiyaların istehsalı ilə məşğul olacağını müəyyən edən bənd var.
Cənubi Koreya mətbuatının məlumatına görə, rəsmi müqavilə bağlandıqdan sonra “DSME”-nin adı dəyişdiriləcək və “Hanwha Ocean” kimi fəaliyyət göstərəcək.
“Seanews.az”