“Maersk” gəmiçilik şirkəti “Höegh Autoliners”-dəki payını azaldıb
“Maersk” gəmiçilik şirkəti “Höegh Autoliners”-dəki payını təzədən azaldıb.
“Seanews.az” xəbər verir ki, daşıyıcı “Höegh Autoliners”-in təxminən 16,9 milyon səhmini 115 milyon dollara satıb. Bu da 8,86% paya uyğundur.
Bu əməliyyatdan sonra da “Maersk” gəmiçilik şirkəti “Höegh Autoliners”-in ikinci ən böyük səhmdarı olaraq qalır. Danimarka gəmiçilik şirkətinin portfelinə ümumilikdə “Höegh Autoliners”-in 20 milyon səhmi (146 milyon dollar dəyərində) daxildir. Beləliklə, “Maersk”-in “Höegh Autoliners”-dəki payı hazırda 10,48% təşkil edir.
Nəşrin məlumatına görə, “Maersk” mart ayında “Höegh Autoliners”-in təxminən 13,5 milyon səhmini 80 milyon dollara satıb.
© Materiallardan istifadə edərkən hiperlinklə istinad olunmalıdır
