La Manş boğazını keçən qanunsuz miqrantların sayı artıb
Bu ilin birinci rübündə La Manş boğazı vasitəsilə Britaniyaya keçən qanunsuz miqrantların sayı artıb.
AZƏRTAC xəbər verir ki, bu barədə Britaniya Hökumətinin statistikasında bildirilir. Hesabat dövründə 5373 nəfər boğazı keçməyə nail olub. Bu da ötən ilin müvafiq dövrü ilə müqayisədə 41,7 faiz çoxdur. Havaların isinməsi ilə qanunsuz miqrasiyanın da intensivləşəcəyi bildirilir.
Qeyd edək ki, 2023-cü ildə La Manş boğazını 30 mindən çox qanunsuz miqrant keçib.
© Materiallardan istifadə edərkən hiperlinklə istinad olunmalıdır
