Dünyanın ilk iki temperaturlu soyuducu konteyneri sınaqdan keçirilir
“Ocean Network Express Pte. Ltd.” (“ONE”) gəmiçilik şirkəti iki temperatur şəraitini (mənfi 30-dan müsbət 30-a qədər)dəstəkləyən dünyanın ilk soyuducu konteynerinin sınaqlarına başlayıb.
“Seanews.az” xəbər verir ki, təcrübə “Pan Pacific International Holdings Inc (“PPIH”) və “NAX Japan” şirkətləri ilə birgə aparılır.
“PPIH” Yaponiyanın ən böyük endirimli pərakəndə satış şəbəkəsi olan “Don Quijote”-nin sahibidir və yeni konteynerlərdən müxtəlif tez xarab olan qida və meyvələri Yaponiyadan kənarda yerləşən mağazalarına çatdırmaq üçün istifadə olunacaq.
Müştərinin ehtiyaclarından asılı olaraq, yeni konteynerlərdən adi soyuducu konteyner kimi də istifadə edilə bilər.
© Materiallardan istifadə edərkən hiperlinklə istinad olunmalıdır
