Polşanın “Gaz-System” şirkəti üzən mayeləşdirilmiş təbii qazın saxlanması, emalı və boşaldılması sisteminin (FSRU) təchizatı və istismarı üzrə təkliflər sorğusu zamanı Yaponiya operatoru “Mitsui O.S.K. Lines”-un (“MOL”) təklifinə üstünlük verib. Polşa şirkəti mətbuata açıqlamasında bildirib ki, FSRU gəmisindən Qdansk körfəzində LNG idxalı üçün yenidən qazlaşdırma terminalı kimi istifadə olunacaq. Tərəflər hələ FSRU taym-çarter müqaviləsinin şərtləri ilə bağlı razılığa gəlməyiblər. “MOL”-un donanmasına hazırda yeddisi FSRU olmaqla, təxminən 120 LNG gəmisi daxildir. 6,1 milyard kubmetr həcmində FSRU tankerinin sahildən təqribən 3 km aralıda, Qdansk limanının reydində dayanması planlaşdırılır. Layihə həmçinin LNG idxal terminalının istismarı üçün lazım olan dəniz və quru infrastrukturunu quracaq.2023-cü ildə Polşa şirkəti layihə çərçivəsində inşa ediləcək quruda bütün boru kəmərləri üçün icazələrin alınması prosedurunu başa çatdırıb. Dekabr ayında Qdanskda geoloji tədqiqatlar tamamlandı. Onlar dənizaltı qaz kəmərinin hara enəcəyini və onun marşrutunu müəyyən etmək üçün lazım olan dəniz dibi analizilərinin nəticələrini təqdim edəcəklər. “LNG-Qdansk” layihəsi dəniz mühəndisliyi işləri üçün Avropa İttifaqının nəqliyyat layihələri proqramının büdcəsi vasitəsilə Avropa Komissiyasından qrant alıb. Ayrılan qrantın maksimum məbləği təxminən 19,6 milyon avrodur. Bütün layihənin istismara verilməsi 2027-2028-ci illər üçün planlaşdırılır.