75 iri gəmiqayırma müəssisəsinin mənfəəti ötən ilin eyni dövrü ilə müqayisədə artıb
2022-ci ilin yanvar-iyul aylarında Çin tərsanələri ümumi dedveyti 25,72 milyon ton olan yeni gəmilərin tikintisi üçün sifarişlər alıb. Bu, 2021-ci ilin eyni dövrü ilə müqayisədə 43,1% azalma deməkdir.
“Seanews.az”-ın məlumatına görə,hesabat dövründə ölkənin gəmiqayırma müəssisələrinin hazır məhsullarının həcmi 13,8% azalaraq 20,85 milyon tona düşüb. İyulun sonuna mövcud sifarişlərin həcmi 103,66 milyon dwt (+15,6%) təşkil edib.
Yanvar-iyul aylarında gəmiqayırma məhsullarının ixracının həcmi ötən illə müqayisədə 20,8% azalaraq 17,95 milyon tona enib. İxrac üçün gəmilərin tikintisi üzrə yeni sifarişlər 23,59 milyon ton (-41,5%) təşkil edib. Mövcud ixrac sifarişlərinin həcmi 16,4% artaraq 92,15 milyon tona çatıb.
Dünya gəmiqayırma bazarında tamamlanmış gəmiqayırma sifarişlərinin, yeni verilmiş sifarişlərin və Çin tərəfindən həyata keçirilən gəmiqayırma layihələrinin payı müvafiq olaraq 44,4%, 51,1% və 48,1% təşkil edib.
Bu yay əlverişsiz hava şəraiti səbəbindən bəzi Çin tərsanələrində istehsal gücü ötən ilin eyni dövrü ilə müqayisədə azalıb. Eyni zamanda, əsas gəmiqayırma müəssisələrinin rentabelliyi yaxşılaşıb. Hesabat dövründə Çinin 75 iri gəmiqayırma müəssisəsinin mənfəəti ötən ilin eyni dövrü ilə müqayisədə 94,2% artaraq 1,67 milyard yuana çatıb.
