Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2024-07-19,
Seanews
Heyder Eliyev

2023-cü ildə dünya donanması 26 gəmi itirib

2023-cü ildə dünya donanması 26 gəmi itirib ki, bu da 2022-ci illə müqayisədə üçdə biri qədər azdır.

Seanews.az xəbər verir ki, gəmilərin ümumi itkisi ilə nəticələnən ən çox qəza Cənub-Şərqi Asiyada, yəni Cənubi Çin, Hind-Çin, İndoneziya və Filippində baş verib.

2023-cü ildə bu bölgələr keçən il bütün gəmi itkilərinin demək olar ki, üçdə biri qədər - ümumilikdə 8 gəmi, son 10 ildə isə 184 gəmi itirib.

Antireytinqdə ikinci yeri Şərqi Aralıq dənizi və Qara dəniz regionları tutur. 2023-cü ildə orada altı gəmi qəzası qeydə alınıb.

Almaniyanın “Allianz” sığorta şirkətinin “2023-cü il üçün Dəniz üzgüçülüyü və Təhlükəsizlik” icmalına əsasən, 2023-cü ildə 16 yük gəmisi (ümumi gəmilərin 60%-i), 4 balıqçı gəmisi, 4 yedək gəmisi, bir sərnişin gəmisi və bir kimyəvi tanker tamamilə itirilib.

2023-cü ildə gəmi itkilərinin əsas səbəbi (bütün halların 50%-də) gəmilərə su dolması olub (13 gəmi). Belə hadisələrə əlverişsiz hava şəraiti, zəif görmə və avadanlıqların sıradan çıxması təkan verib. Qəzalar (saya oturma daxil olmaqla) gəmi itkisinin ikinci əsas səbəbidir (4 hal). Üçüncü səbəb yanğın (3 hadisə), dördüncü səbəb başqa bir gəmi ilə toqquşmadır (2 hadisə).


© Materiallardan istifadə edərkən hiperlinklə istinad olunmalıdır