t bazarlarında qiymətlər eniş nümayiş etd
Dünya bazarlarında neft qiymətləri ucuzlaşıb. Nyu-York əmtəə birjasında keçirilən ticarət əməliyyatlarının gedişində Light neftinin qiyməti 1 barelə görə 0,46 dollar və ya 0,95% azalıb. Hazırda bu markadan olan qara qızıl 48,22 dollara təklif olunur. London birjasında Brent markalı neftin qiyməti isə 51,24 dollardır. Bu, 0,41 dollar və ya 0,79% ucuzlaşma deməkdir. Azərbaycanın dünya bazarına çıxararaq satdığı “Azeri LT CIF” markalı xam nefti də dəyərini 0,22 dollar və yaxud 0,41% itirib. Hazırda neftimizin bir barelinin qiyməti 52,89 dollara bərabərdir. Dünya bazarlarında qara qızılın ucuzlaşmasına səbəb kimi ABŞ-da neft ehtiyatlarının gözlənilmədən 0,88 mln. barel artaraq 523,4 mln. barelə qədər yüksəlməsi göstərilir.