Xəzərdə Rusiyaya məxsus gəmi batıb
Göyərtəsində iki sərnişin və bir kapitanın olduğu Rusiyaya məxsus kiçik gəmi Xəzər dənizində batıb.
“Report” xəbər verir ki, bu barədə TASS Rusiyanın İstintaq Komitəsinə istinadən məlumat yayıb.
Məlumata görə, hadisə zamanı iki nəfər itkin düşüb. Daha bir nəfər qayıq tərəfindən sahilə çıxarılıb. O, xəstəxanaya yerləşdirilib.
Hazırda itkin düşənlərin axtarışı davam edir. Müstəntiqlər hadisənin detallarını aydınlaşdırmaq üçün araşdırma aparırlar.
© Materiallardan istifadə edərkən hiperlinklə istinad olunmalıdır