Böyük Britaniya nüvə sualtı qayığını təkmilləşdirir
Britaniya hökuməti “Vanguard” sinfinə aid nüvə sualtı gəmisi “HMS Victorious”-un modernləşdirilməsinə 560 milyon funt-sterlinq (707 milyon dollar) ayırıb.
“Seanews.az” xəbər verir ki, müqavilə “Babcock” müdafiə şirkəti ilə imzalanıb.
Ümumilikdə Böyük Britaniyada 1990-cı illərdə inşa edilmiş dörd nüvə enerjisi ilə işləyən “Vanguard” sinifli sualtı qayıq var: “HMS Victorious”-dan əlavə, söhbət “HMS Vanguard”, “HMS Vengeance” və “HMS Vigilant”-dan gedir. Hazırda onlardan yalnız ikisi istifadəyə yararlıdır.
Daha əvvəl xəbər verildiyi kimi, 12 “Trident II D-5” qitələrarası ballistik raket daşıya bilən Britaniyanın ilk “Dreadnought” sinifli strateji sualtı qayığı 2030-cu illərdə Kral Donanmasına daxil edilə bilər.
© Materiallardan istifadə edərkən hiperlinklə istinad olunmalıdır