Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2024-06-15,
Seanews
Heyder Eliyev

“Hafnia” gəmilərini “Starlink” peyk rabitə sistemi ilə təchiz edir

“Hafnia” yüksək sürətli genişzolaqlı peyk internetə çıxışı təmin etmək üçün bütün tankerlərini “Starlink” rabitə sistemi ilə təchiz etmək niyyətindədir.

“Seanews.az” xəbər verir ki, 2022 və 2023-cü illərdə həyata keçirilən sınaq proqramları zamanı “Hafnia”nın 35 gəmisi Amerikanın “SpaceX” şirkətinin xidmətlərindən istifadə edə bildi.  İndi isə şirkət 2023-cü ilin sonuna qədər bütün donanmanın “Starlink” peyk rabitə sistemi ilə təchiz edilməsini başa çatdırmaq niyyətindədir.

Bundan əvvəl Danimarkanın “A.P. Moller-Maersk” qrupu 2024-cü ilin birinci rübünə qədər 330 gəmisini “Starlink” xidmətləri ilə təchiz etmək üçün “SpaceX” ilə müqavilə bağlamışdı. Sonra “Hapag-Lloyd” və “MOL” xətti gəmiçilik şirkətləri planlarını açıqladılar. Sentyabrda “Anglo-Eastern” şirkəti idarə etdiyi donanmanın 100 gəmisini peyk rabitə sistemi ilə təchiz edib.

Sinqapurda yerləşən və 2013-cü ildə yaradılan “Hafnia” şirkəti bu gün neft və neft məhsulları tankerlərinin ən böyük gəmi sahibləri və operatorlarından birinə çevrilmişdir. “Hafnia” hazırda 198 gəmidən ibarət donanmanı idarə edir.


© Materiallardan istifadə edərkən hiperlinklə istinad olunmalıdır