“RIB” ilk dəfə “İnsansız döyüşçü” adlı təlimdə nümayiş etdirilib
Bir çox ölkənin inventarlarında getdikcə daha çox yer alan avtonom qayıqlar dəniz quldurluğu ilə mübarizə, sərhəd nəzarəti, kəşfiyyat məlumatı toplama, dəniz təhlükəsizliyi və güc mühafizəsi kimi sahələrdə və tətbiqlərdə müasir donanmalar üçün böyük əhəmiyyət kəsb edir.
Ordu.az xəbər verir ki, bu vasitələrin bəlkə də ən mühüm xüsusiyyəti dəniz qüvvələrinin şəxsi həyatını təhlükə altına atmadan uzaqdan idarə olunma ilə yüksək riskli ərazilərdə həyata keçirilən tədbirlərdə istifadə oluna bilməsidir.
Podratçı şirkətin məlumatına görə, sərt şişmə qayıq (“Rigid Inflatable Boat”, “RIB”) ilə əlaqə və idarəetmə üçün maksimum məsafə 15 km.-dir. Bu məsafəni artırmaq üçün gələcəkdə peyk əsaslı sistemlərdən istifadə ediləcək.
“RIB” standart gəmi qayıqlarının bəzi xüsusiyyətlərini təkmilləşdirmək və hətta onları əvəz etmək imkanı təklif edir.
Heyətsiz “RIB” ilk dəfə 2016-cı ildə “İnsansız döyüşçü” adlı təlimdə nümayiş etdirilib.
Bu sınaq mühüm addım olsa da, avtonom sistemlərin komanda və idarəetmə şəbəkələrinə inteqrasiyası, mövcud nöqsanların aradan qaldırılması və çətinliklərin həlli üçün əlavə işlərin aparılmasının tələb olunduğu müəyyən edilib.
Xülasə, Britaniya Hərbi Dəniz Qüvvələri (HDQ) bildirib ki, RIB daha da inkişaf etdirilməzdən əvvəl faydalı bir missiyaya sahib olmalıdır.
2019-cu ildə Britaniya HDQ avtonom “RIB” platformasının inkişaf etdirilməsi üçün “BAE Systems” ilə 3,2 milyon funt sterlinqlik müqavilə imzalayıb. Zaman keçdikcə sözügedən müqavilənin və layihənin əhatə dairəsinin genişləndiyi bildirilir.
