Aralıq dənizinin ən böyük limanında 7,963 milyon ton yük aşırılıb
2023-cü ilin yanvar-iyul aylarında İspaniyanın Valensiya limanında 7,963 milyon ton yük aşırılıb. Bu da 2022-ci ilin eyni dövrü ilə müqayisədə 2,19% çoxdur. İyulda Ro-Ro yüklərinin aşırılması 2022-ci ilin iyul ayı ilə müqayisədə 14,25% artaraq 61,723 min ədəd təşkil edib.
“Seanews.az”-ın məlumatına görə, cari ilin iyul ayında Valensiya limanında aşırılan konteynerlərin həcmi keçən ilin müvafiq dövrü ilə müqayisədə TEU ilə 6,91%, tonla isə 9,15% azalıb.
Bu ilin yanvar-iyul aylarında yüklərin tonla aşırılmasında 8,14% və TEU ilə aşırılmasında 10,41% azalma müşahidə olunub. İyulda Valensiya limanında idxal edilən konteynerlərin işlənməsi 3,95% artıb.
İlin əvvəlindən Valensiya limanının xidmətlərindən 426,39 min sərnişin istifadə edib ki, onların da 372,905 min nəfəri kruiz sərnişinləridir. Kruiz və şərti xətlərdə daşınan sərnişinlərin ümumi sayı 20,08% artıb.
Hesabat dövründə Vyetnamla konteyner dövriyyəsi 28,32%, Misirlə 27,63%, Hindistanla 15,95% və Braziliya ilə 14,65% artıb.
İtaliya 3,952 milyon tonla 2023-cü ildə də əsas ticarət tərəfdaşıdır. Ondan sonra Çin (3,705 milyon ton) və ABŞ (3,266 milyon ton) gəlir. Nigeriya (+37,22%), Misir və Hindistandan gələn yüklər müvafiq olaraq 25,64% və 22,63% artıb.
Valensiya limanı İspaniya və Aralıq dənizinin ən böyük, Avropanın isə beşinci ən işlək dəniz limanıdır.