Artıq limanları pilotsuz gəmilər üçün modernləşdirmək lazımdır
Pilotsuz yük gəmilərinin istifadəsi dənizlə yüklərin daşınmasını daha ucuz və ekoloji cəhətdən təmiz edə bilər.
"Seanews.az" xəbər verir ki, ötən ilin aprelində Norveçdə uzunluğu 80 metr olan “Yara Birkeland” gəmisi istifadəyə verilib, o, Porsqrunndakı Yara fabrikindən Brevik limanına gübrə daşıyır. Gəmi Norveç kimya şirkətinin sifarişi ilə yaradılıb. Bu, təkcə ilk pilotsuz yük gəmilərindən biri deyil, həm də ilk sıfır emissiyalı yük gəmisidir. O, elə qurulub ki, gəmidə heç bir heyətə ehtiyac qalmır. Gəmi məlumatı real vaxt rejimində sahilə ötürür, lakin bu, təhlükəsizlik üçün lazımdır ki, fövqəladə vəziyyətdə nəzarəti öz üzərinə götürə bilsin. Normal rejimdə gəmi insan müdaxiləsi olmadan hərəkət edir.
Yaponiyada da pilotsuz nəqliyyat vasitələri fəal şəkildə inkişaf etdirilir. “Nippon Foundation” qeyri-kommersiya fondu “Mitsui Lines”, “Japan Railway Construction”, “Mitsubishi” şirkətləri ilə birlikdə “Designing the Future of Full Autonomous Ship” layihəsi üzrə pilotsuz gəmiləri inkişaf etdirirlər. 2022-ci ilin yanvarında Kyushu adasının şimalında pilotsuz avtomobil bərəsinin sınaq səfəri həyata keçirilib. Uzunluğu 222 metr, yükgötürmə qabiliyyəti 15,5 min ton olan bərə 240 km yol qət edib və avtonom körpüyə yan alıb.
Həmin ay uzunluğu 95 metr və yükgötürmə qabiliyyəti 1000 tondan az olan Yaponiyanın pilotsuz “Mikage” konteyner gəmisinin sınaq səfəri həyata keçirilib – o, Tsuruqa limanından Sakai limanına qədər demək olar ki, 300 km məsafəni qət edib.
Keçən ilin aprelində Çində elektriklə işləyən pilotsuz konteyner gəmisi istifadəyə verilib. “Zhi Fei” gəmisi Çinin bir neçə universiteti ilə əməkdaşlıq edərək “Bestway” şirkəti tərəfindən Sindaoda tikilib. 117 metr uzunluğunda və 5000 ton yükgötürmə qabiliyyətinə malik gəmi Şandun əyalətinin bir neçə limanı arasında yüklərin daşınması üçün istifadə olunur.
2022-ci ildə Cənubi Koreyalı “HD Hyundai” tərəfindən inşa edilən “Prism Courage” pilotsuz LNG tankeri Sakit okean üzərindən ilk səfərini edib. May ayında 122 000 tonluq tanker Texas ştatının Freeport şəhərindən çıxıb, Panama kanalından keçib və iyun ayında Cənubi Koreyanın Poren limanına gəlib. Yolun təxminən yarısı gəmi süni intellektin nəzarəti altında olub.
Pilotsuz uçuş aparatları bazarının 2030-cu ilə qədər 8,2 milyard dollara çatacağı təxmin edilir. Eyni zamanda, onlar üçün infrastrukturun yaradılması gəmilərin faktiki inkişafından heç də az əhəmiyyət kəsb etmir, Pilotsuz gəmilərin qəbulu üçün xüsusilə, limanların modernləşdirilməsinə ehtiyac olacaq.
“Seanews.az”
