“Hapag-Lloyd” Çindən ABŞ-a dəniz daşımalarının 30%-ni ləğv edib
Almaniyanın “Hapag-Lloyd” gəmiçilik şirkətinin müştəriləri olan yükgöndərənlər, dünyanın iki ən böyük iqtisadiyyatı arasında tarif müharibəsinə görə, Çindən ABŞ-a təchizatın 30%-ni ləğv ediblər.
“Portnews.ru” “Reuters”-a istinadən xəbər verir ki, eyni zamanda Tayland, Kamboca və Vyetnamdan idxal olunan malların tədarükünə tələbat əhəmiyyətli dərəcədə artıb.
“Hapag-Lloyd”-un sözçüsü bildirib ki, gəmiçilik şirkəti bəzi hallarda səfərlərin sayını dəyişmədən ABŞ marşrutu üzrə daha kiçik gəmilərdən istifadə etməyə məcbur olub.
“Portnews.ru” daha əvvəl məlumat vermişdi ki, Almaniyanın nəqliyyat, logistika və gəmiçilik qrupu “Hapag-Lloyd”-un 2024-cü il üçün mənfəəti 601 milyon dollar azalaraq 2,6 milyard dollar olub. Azalma təxminən 19% təşkil edib.
“Seanews.az”
