Panama kanalından tranzit keçən gəmilərin sayı artacaq
Panama kanalı administrasiyası 2024-cü ilin yanvar ayından etibarən bu su yolundan keçən gəmilərin sayını gündə 24-ə çatdıracaq.
“Seanews.az” xəbər verir ki, bu qərar bölgədə altı həftə davam edən güclü yağışdan sonra verilib.
“Bu elan yanvarda gündəlik 20, fevralda isə 18 tranzit keçidi proqnozlaşdıran əvvəlki elanı əvəz edir. Yağışlı mövsümün sonunda gündə keçidlərin sayı 6 artacaq”, - Kanal administrasiyasının açıqlamasında bildirilir.
Hazırda kanaldan hər gün 22 gəmi keçir ki, onlardan 6-sı “Neopanamax”, 16-sı isə “Panamax” gəmisidir.
“Splash”-ın məlumatına görə, noyabrda Panama kanalından 783 gəmi və ya gündə 26 gəmi keçib, oktyabrda gündə orta hesabla 32,4 gəmi və 2022-ci ildə orta hesabla 35,5 gəmi keçib.
© Materiallardan istifadə edərkən hiperlinklə istinad olunmalıdır
