Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2024-04-22,
Seanews
Heyder Eliyev

Dəniz külək enerjisinin inkişafı üçün kifayət qədər gəmi yoxdur

Dünyada dəniz külək enerjisinin tutumu növbəti onilliyin ortalarınadək beş dəfə artacaq və küləkdən daha çox enerji əldə etmək üçün turbinlər getdikcə böyüyəcək. Bu o deməkdir ki, onları quraşdırmaq üçün gəmilərə tələbat artır.

“Seanews.az” xəbər verir ki, layihənin gerçəkləşdirilməsi üçün uyğun gəmilər seçən broker “Clarksons Offshore Renewables” Çindən kənarda ən azı 15 meqavatlıq turbin quraşdırmaq qabiliyyətinə malik 15-20 gəminin olduğunu və növbəti bir neçə il ərzində daha çox gəmiyə ehtiyac olacağını təxmin edir.

Konsaltinq firması “Wood Mackenzie Ltd.” Çindən kənarda 40-a yaxın gəminin fəaliyyət göstərdiyini bildirir, lakin onların hamısından yalnız dəniz küləyi üçün istifadə edilmir. “Woodmac” gələcək tələbatı ödəmək üçün 14,8 milyard dollar sərmayəyə ehtiyac olacağını təxmin edir.

“Bloomberg”-in qeyd etdiyi kimi, nəhəng gəmilər üçün tələb və təklifin uyğunlaşdırılması bir gecədə baş verməyəcək. Yeni quraşdırma gəmisinin tikintisinə ən azı 400 milyon dollar və üç il vaxt lazım olacaq. Sahənin əsas gəmiqayırma şirkətlərindən biri olan Çinin “CIMC Raffles” şirkətinin layihə menecerinin sözlərinə görə, Asiyada gəmiqayırma zavodları neft və qaz gəmiləri üçün sifarişlərlə yükləndiyi üçün bu müddət uzanacaq. “CIMC Raffles” hazırda külək enerjisi sənayesi üçün beş gəmi, o cümlədən sənayenin yeni oyunçusu olan “Havfram AS” üçün tutumu 3000 tondan çox olan gəmi tikir.


© Materiallardan istifadə edərkən hiperlinklə istinad olunmalıdır