Merilend Universiteti: Daha təmiz gəmi yanacağı okeanın istiləşməsinə kömək edir
2020-ci ildə tətbiq edilən yanacaq daşınması qaydaları kükürd dioksidi ilə (SO2) çirklənmənin əhəmiyyətli dərəcədə azalmasına gətirib çıxarıb, lakin bulud örtüyünü azaltmaq okeanı istiləşdirə bilər.
AZƏRTAC xəbər verir ki, ABŞ-ın Merilend Universitetindən Tianle Yuanın rəhbərlik etdiyi tədqiqat qrupunun “Communications Earth & Environment” jurnalında dərc olunmuş məlumatına görə, Beynəlxalq Dəniz Təşkilatının (IMO) dənizin çirklənməsi ilə mübarizə qaydaları yükgöndərənləri yanacaqların tərkibindəki kükürdün miqdarını azaltmağa məcbur edib. Bu, 3,5 faizdən 0,5 faizə qədər azalma nəticəsində SO2 emissiyaları da 80 faiz aşağı düşüb.
Bununla belə, SO2 təkcə əsas çirkləndirici deyil. Kükürd dioksidi həm də günəş şüalarını kosmosa qaytararaq buludları qalınlaşdıran və parlaq edən aerozollar istehsal edərək qlobal istiləşməni maskalayır. Beləliklə, SO2 soyuducu təsirə malikdir.
Tədqiqatçılar hesab edirlər ki, IMO yanacaq standartları 2020-ci ilə qədər planetin ümumi xalis istilik itkisinin 80 faizini təşkil edə bilər və bu təsir xüsusilə, sıx dəniz nəqliyyatı zolaqları boyunca nəzərə çarpır.
Klimatoloqlar SO2 emissiyalarının azalmasını keçən il okeanda rekord temperaturun yaranmasının potensial səbəbi kimi müəyyən ediblər. Bəziləri, həmçinin bütün dünyada havanın çirklənməsinin azaldılmasının qlobal istiləşməni sürətləndirə biləcəyini düşünür.
Liverpul Milli Okeanoqrafiya Mərkəzindən Coel Hirsçi deyib: “Son vaxtlar temperaturun niyə bu qədər yüksək olması ilə bağlı araşdırmalar davam edir və gəmi yanacağında kükürdün aşağı olması buna səbəb olan amillərdən yalnız biridir”.
Müəlliflərin fikrincə, onların tədqiqatı göstərir ki, dəniz buludlarının işıqlandırılması qlobal istiləşmə üçün potensial geomühəndislik həlli ola bilər.
