ixdə ilk dəfə Qırmızı dənizdə mavi balinaya rast gəl
Tarixdə ilk dəfə Qırmızı dənizdə mavi balinaya rast gəlinib. “Seanews.az” xəbər verir ki, bu barədə Misirin Ekologiya Nazirliyi məlumat yayıb. Nazirlikdən bildirilib ki, dəniz məməlisi Aqab körfəsində aşkar olunub. Ekologiya naziri Xalid Fahmi gözlənilməz qonağın bütün davranışlarını izləmək göstərişini verib. Hazırda mütəxəsisslər və ekoloqlar balinanın Qırmızı dənizdə görünməsinin səbəblərini müəyyənləşdirməyə çalışırlar. Bununla yanaşı, ekoloqlar mavi balinanın insanlar üçün təhlükəli olmadığını desələr də, ondan uzaq durmağı tövsiyə ediblər. Qeyd edək ki, mavi balina ən böyük müasir heyvan hesab edilir. Onun uzunluğu 33 metr, çəkisi isə 150 tona çata bilir.
© Materiallardan istifadə edərkən hiperlinklə istinad olunmalıdır
