Son 15 ildə dənizdə hər il orta hesabla 1566 konteyner itib
2022-ci ildə daşınma zamanı orta hesabla 661 konteyner itib. Bu rəqəm, dəniz yolu ilə daşınan dolu konteynerlərin ümumi sayının cəmi 0,00026%-ni təşkil edir.
Ümumdünya Gəmiçilik Şurasının (WSC) məlumatında belə deyilir.
WSC-nin prezidenti və baş icraçı direktoru Con Baderin fikrincə, dənizdə itən konteynerlərin sayının azalması ötən il dənizdə irimiqyaslı qəza və qəza hadisələrinin olmaması ilə bağlıdır.
Ötən 15 ildə dənizdə hər il orta hesabla 1566 konteyner itib. Son üç il ərzində - 2020-ci ildən 2017-ci ildən 2019-cu ilə qədər hər il orta hesabla 779 konteyner itirilib.
Xatırladaq ki, 2020-ci ilin noyabrında güclü fırtına səbəbindən “ONE - One Apus” konteyner gəmisindən 1,8 min konteyner dənizə düşüb. Bu, 2013-cü ildə “MOL Comfort” konteyner gəmisinin Hind okeanında ikiyə bölünərək göyərtəsində 4000 konteynerlə batmasından sonra ən ciddi hadisə idi. 2021-ci ilin yanvarında “Maersk Essen” Çinin Xiamen şəhərindən Los-Ancelesə gedərkən təxminən 750 konteyner yoxa çıxıb. Bir ay sonra isə fırtınada sürətini itirən “Maersk Eindhoven”-dən dənizə 260 konteyner düşüb.
“Seanews.az”
