Yanvar-apreldə Antalya limanı 1 milyon tondan çox yük qəbul edib
2023-cü ilin yanvar-aprel aylarında Türkiyənin Antalya limanı 1 milyon 121 min 895 ton yük qəbul edib.
Trend xəbər verir ki, bu barədə TurkicWorld-a Türkiyənin Nəqliyyat və İnfrastruktur Nazirliyindən məlumat verilib.
Nazirlikdən verilən məlumata görə, Antalya limanından Türkiyə bayrağı altında üzən gəmilərlə 58 min 249 ton, digər ölkələrin bayraqları altında üzən gəmilərlə isə 1 milyon 63 min 646 ton yük daşınıb.
“2023-cü ilin yanvar-aprel aylarında Türkiyənin Antalya limanından 670 ton tranzit yük aşırılıb”, - deyə nazirlikdən bildirilib.
© Materiallardan istifadə edərkən hiperlinklə istinad olunmalıdır
