Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2024-04-23,
Seanews
Heyder Eliyev

rkiyədən Azərbaycana daşınan yük ilk dəfə olaraq İranın Astara limanından gəmi ilə yola salı

Türkiyədən Azərbaycana daşınan yük ilk dəfə olaraq İranın Astara limanından gəmi ilə yola salınıb. “Seanews.az” AZƏRTAC-a istinadən verir ki, bu sözləri İranın Astara dəniz limanının müdiri Mahmud Mir Nəbili deyib. Onun sözlərinə görə Türkiyədən Azərbaycana ixrac edilən 73 min ton keramika məmulatları gəmi ilə Bakı Beynəlxalq Ticarət Limanına yola salınıb. M.M. Nəbili bildirib ki, daşınan yük özəl sektora aiddir. O qeyd edib ki, Astara limanının imkanları böyükdür və Azərbaycanla yanaşı Mərkəzi Asiya dövlətlərinə də yükdaşımanı həyata keçirə bilər. Ötən ilin 9 ayı ərzində Astara limanından 141 min 565 ton yük ötürülüb. Bu liman 60 hektar əraziyə sahibdir və 2500 tonluq yük gəmilərinə xidmət göstərmək imkanı var. Xatırladaq ki, İranın Astara limanı ilə Bakı Beynəlxalq Ticarət Limanı arasındakı marşrut da “Şimal-Cənub” Beynəlxalq Nəqliyyat Dəhlizinə daxildir. Yüklərin gəmi ilə Azərbaycana buradan isə Rusiya və Avropa istiqamətinə daşınması üçün əlverişlidir. Yanvarın əvvəlində İranın yol və şəhərsalma naziri Abbas Axundinin Hindistana rəsmi səfəri zamanı 2 milyard dollar kredit alınması barədə razılıq əldə olunub. Hindistan hökuməti bu krediti “Şimal-Cənub” Beynəlxalq Nəqliyyat Dəhlizi istiqamətində tikilən yolların başa çatdırılması üçün ayırıb. İranın Hind okeanı sahilindəki Səbahar limanında da rekonstruksiya işləri aparılır. Vəsaitin bu limanın təkmilləşdirilməsinə yönəldiləcəyi şübhə doğurmur. Hindistan “Şimal-Cənub” Beynəlxalq Nəqliyyat Dəhlizinin tezliklə formalaşıb başa çatmasında maraqlıdır. Bu ölkənin artan iqtisadiyyatı və Avropa ilə iqtisadi əlaqələrinin inkişafı yüklərin tez və təhlükəsiz daşınması zərurətini meydana çıxarıb. Odur ki, Yüklər Hindistanın Mumbai limanından İranın Səbahar limanına buradan isə Rusiya və Avropaya daşınacağı artıq şübhə doğurmur. Yüklər Səbahardan Astara limanına oradan isə Bakı Beynəlxalq Ticarət Limanına da daşına bilər. Bakıdan isə yüklər Gürcüstan vasitəsilə Avropaya çatdırılacaq.


© Materiallardan istifadə edərkən hiperlinklə istinad olunmalıdır