varda daşımaların həcmi ar
Cari ilin yanvarında yük və sərnişin daşımalarının həcmində artım qeydə alınıb. Bu barədə Dövlət Statistika Komitəsindən məlumat verilib. Bildirilib ki, nəqliyyat sektorunda fəaliyyət göstərən müəssisələr və fiziki şəxslər tərəfindən 2018-ci ilin yanvar ayında 16,9 milyon ton yük və 143,7 milyon sərnişin daşınıb. 2017- ci ilin müvafiq dövrü ilə müqayisədə yük daşınması 0,3 faiz, sərnişin daşınması isə 1,6 faiz artıb. Yüklərin 57,6 faizi avtomobil, 31,1 faizi boru kəməri, 7,2 faizi dəmir yolu, 4 faizi dəniz, 0,1 faizi isə hava nəqliyyatı ilə daşınıb. Sərnişinlərin 86,8 faizi avtomobil, 12,9 faizi metro, qalanları isə hava və dəniz nəqliyyatı vasitələri ilə mənzil başına çatdırılıb.
© Materiallardan istifadə edərkən hiperlinklə istinad olunmalıdır
