Çinin üçüncü təyyarədaşıyan gəmisi dəniz sınaqlarına çıxıb
Çinin 80 min ton yükgötürmə qabiliyyətinə malik üçüncü təyyarədaşıyan gəmisi “Futzyan” dəniz sınaqlarına çıxıb.
“Seanews.az” xəbər verir ki, “Futzyan” 2022-ci il iyunun 17-də suya buraxılıb.
Bu, Çinin “CATOBAR” (“Catapult Assisted Aircraft Launch”) sistemindən istifadə edən, yəni göyərtədəki təyyarələri havaya qaldırmaq üçün elektromaqnit katapultları olan ilk təyyarədaşıyan gəmisidir.
Gəminin uzunluğu təxminən 318 metr, eni 74 metrdir.
Aviadaşıyan 40 qırıcıdan ibarət hava qrupunu, həmçinin nəqliyyat və havadan erkən xəbərdarlıq və idarəetmə təyyarələrini istismar edəcək.
© Materiallardan istifadə edərkən hiperlinklə istinad olunmalıdır
