Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2024-06-13,
Seanews
Heyder Eliyev

Texasda bunker gəmisi körpünün dayağına çırpılıb

Galvestonda (Texas, ABŞ) neft barjı körpünün dayağına çırpılıb. Hadisə dayağın zədələnməsi, neft sızması və şəhər ilə Qutan adası arasında yeganə marşrutun bağlanması ilə nəticələnib.

“Seanews.az” xəbər verir ki, zərbədən körpünün konstruksiyasının parçaları barjın üzərinə düşüb. Dağılmış yanacağı təmizləmək üçün gəmiçilik marşrutunun təxminən 6,5 mil (10,5 km) hissəsi bağlanıb. Hadisə nəticəsində xəsarət alan olmayıb.

“Martin Petroleum”-a məxsus bunker barjının 30 min qallon (təxminən 114 kubmetr) tutumuna malik olmasına baxmayaraq, buxtaya nə qədər neft məhsulu axdığı hələlik məlum deyil.

Yerli ekspertlərin fikrincə, hadisə su yolunun gəmilərin  az istifadə etdiyi hissəsində baş verdiyi üçün ciddi iqtisadi itkilərə səbəb olmayacaq.

Qeyd edək ki, Galvestondakı qəza Baltimorda baş verən böyük qəzadan iki ay keçməmiş baş verib. Martın sonunda 9962 ton tutumlu “Dali” konteyner gəmisi Frensis Skott Key körpüsünə çırpılmışdı və hadisə həm də insan itkisi ilə nəticələnmişdi.


© Materiallardan istifadə edərkən hiperlinklə istinad olunmalıdır