ABŞ Sahil Mühafizəsi “Erin” qasırğasına görə dənizçiləri və çimərlik ziyarətçilərini ehtiyatlı olmağa çağırıb
ABŞ Sahil Mühafizəsi bütün dənizçilər və çimərlikdə istirahət edənlər üçün "Erin" qasırğası ilə bağlı qabaqlayıcı xəbərdarlıq yayıb.
"Seanews.az" xəbər verir ki, hazırkı proqnozlara əsasən, qasırğa Nyu-York və Nyu-Cersi sahillərindən xeyli aralı keçəcək. Buna baxmayaraq, Sahil Mühafizəsi dənizdə fəaliyyət göstərənlərə və çimərlikdə olanlara təhlükəsizlik tədbirlərinə ciddi əməl etməyi tövsiyə edir.
Rəsmi məlumata görə, Nyu-York və Nyu-Cersi limanlarının daxili sularında ciddi təsir gözlənilmir. Lakin avqustun 19-dan 23-dək sahildən kənar ərazilərdə və çimərliklərdə təhlükəli şəraitin yaranacağı ehtimal olunur.
Qasırğa ilə bağlı ən son məlumatların Milli Hava Xidmətinin proqnozlarından izlənməsi və bütün yerli xəbərdarlıqlara riayət olunması tövsiyə olunur.
Milli Qasırğa Mərkəzi avqustun 19-da yaydığı açıqlamada qeyd edib ki, “Erin” qasırğası həftə ərzində Atlantikin qərb hissəsi üzərində daha da güclənəcək və ABŞ-nin şərq sahillərində təhlükəli dəniz cərəyanları gözlənilir.
