Görkəmli neftçi-alim Xoşbəxt Yusifzadənin xatirəsi onun adını daşıyan gəmidə anılıb
“Azərbaycan Xəzər Dəniz Gəmiçiliyi” QSC-nin Dəniz Nəqliyyatı Donanmasına məxsus “Akademik Xoşbəxt Yusifzadə” tankerinin heyət üzvləri SOCAR-ın birinci vitse-prezidenti, görkəmli neftçi-alim, geoloq, akademik Xoşbəxt Yusifzadənin xatirəsini bir dəqiqəlik sükutla anıblar.
Gəminin heyət üzvləri əfsanəvi neftçinin vəfatından kədərləndiklərini bildirib, onun ailə üzvlərinə səbr diləyiblər.
“Akademik Xoşbəxt Yusifzadə” tankeri 7 dekabr 2022-ci ildə istismara verilib. Gəminin istismara verilməsi mərasimində Azərbaycan Respublikasının Prezidenti İlham Əliyev iştirak edib.
Onu da qeyd edək ki, tanker Prezident İlham Əliyevin Sərəncamı ilə “Akademik Xoşbəxt Yusifzadə” adlandırılıb.
© Materiallardan istifadə edərkən hiperlinklə istinad olunmalıdır
