Sifariş portfeli rekord həddə yaxınlaşan Çin dünya gəmiqayırma bazarında mövqelərini gücləndirir
Çin gəmiqayırma müəssisələri son bir ildə dünya üzrə yeni gəmi sifarişlərinin 74%-ni əldə edib. BIMCO-nun təhlilinə görə, Çinin 2026-cı il sentyabrın 1-nə qlobal gəmiqayırma sifariş portfeli 203,2 milyon kompensasiya edilmiş ümumi tonnaja (CGT) çatıb. Bu, ötən ilin eyni dövrü ilə müqayisədə 13% çoxdur.
“Seanews.az” xəbər verir ki, hazırda Çin dünya üzrə ümumi sifariş portfelinin 64%-nə sahibdir. Cənubi Koreyanın payı 19%, Yaponiyanın payı isə 6% təşkil edir. Çin xüsusilə konteyner gəmiləri seqmentində üstünlük qazanıb və bu sahədə qlobal sifarişlərin 81%-ni təmin edib.
Bununla belə, sifarişlərin çoxluğu istehsal gücünün artırılmasını tələb edir. Çinin gəmiqayırma müəssisələrinin 2028-ci ildə rekord həcmdə — 44 milyon CGT gəmi təhvil verməsi planlaşdırılır. Bu göstərici 2025-ci ildəki istehsal həcmindən təxminən iki dəfə çoxdur.
