Uzun illər dəniz nəqliyyatı sahəsində çalışmış Arif Məmmədov vəfat edib
Uzun illər dəniz nəqliyyatı sahəsində çalışmış Arif Seyfulla oğlu Məmmədov vəfat edib.
Arif Məmmədov 12 avqust 1952-ci ildə Naxçıvan MR Babək rayonunun Didivar kəndində anadan olub.
1985-ci ildə Azərbaycan Neft və Kimya İnstitutunun “Neft və qazın kimyəvi emalı texnologiyası/kimyaçı-texnoloq” ixtisasını, 2000-ci ildə isə Azərbaycan Dövlət Dəniz Akademiyasının “Gəmi sürücülüyü” ixtisasını bitirib.
O, əmək fəaliyyətinə 1972-ci ildə "Sahil" Kəşfiyyat Qazma İdarəsində çilingər kimi başlayıb. Daha sonra müxtəlif idarə və təşkilatlarda müxtəlif vəzifələrdə çalışan Arif Məmmədov 1996-2000 illərdə Xəzər Dəniz Neft Donanmasının rəisi, 2016-2020-ci illərdə "ACSC Logistics" MMC-nin direktor müavini vəzifəsində işləyib.
ASCO rəhbərliyi və kollektivi adından Arif Məmmədovun vəfatından kədərləndiyimizi bildirir, ailəsinə və yaxınlarına başsağlığı veririk.
Allah rəhmət eləsin!
