Britaniyanın nüvə sualtı qayığı fəlakətin bir addımlığında olub
Dərinlik ölçən cihazı xarab olduğu üçün Britaniyanın nüvə sualtı qayığı fəlakətin bir addımlığında olub.
Bu barədə “Krasnaya Vesna” agentliyi “The Sun”a istinadən məlumat yayıb.
Sualtı qayıq patrul xidmətinə getməyə hazırlaşarkən daldığı dərinliyi göstərən sensorlar sıradan çıxıb.
Arxa tərəfdəki mühəndislər ikinci oxşar cihazın göstəricilərini görüb həyəcan siqnalı veriblər və sualtı qayıq təhlükəli dərinliyə enməyi bacarıb. “The Sun”-un məlumatına görə, "gəminin daldığı dərinliyə nəzarət etmək mühəndislərin işi deyil, onlar çox dərinlikdə olduqlarını görüb və nəyinsə səhv olduğunu anlayıblar".
Beləliklə, nəşr deyir ki, “İkinci Dünya müharibəsindən bəri Kral Dəniz Qüvvələri üçün ən pis fəlakətin” qarşısı alınıb.
Nəşr aydınlaşdırır ki, söhbət bir neçə onilliklərdir 140 nəfərlik heyətlə Atlantik okeanında olan və “Trident 2” raketləri ilə silahlanmış “Vanguard” sinifli gəmidən gedir. Təhlükəsizlik baxımından sualtı qayığın adı və onun yerləşdiyi dərinlik bildirilmir.
Qeyd edilir ki, Böyük Britaniyanın dörd “Vanguard” sinifli sualtı qayığı var, lakin hazırda yalnız ikisi xidmətdədir. Onlardan biri əsaslı təmirdədir, ikincisi isə 300 milyon funt-sterlinqə başa gələn təmirdən sonra artıq dəniz sınaqlarından keçir.
“Seanews.az”
