Gəmiçilikdə süni intellekt əsaslı qərar qəbuletmə alətləri sınaqdan keçirilir
Yanacaq sərfiyyatını və emissiyaları azaltmaq üçün gəmilərdə süni intellekt əsaslı qərar qəbuletmə alətləri sınaqdan keçirilir. Meksikada reallaşan yeni sınaq layihəsi süni intellekt (Sİ) əsaslı qərar qəbuletmə alətlərini gündəlik gəmi əməliyyatlarına tətbiq edərək, rəqəmsallaşmanı birbaşa yanacaq səmərəliliyi və emissiya nəzarəti ilə əlaqələndirir.
“Seanews.az” xəbər verir ki, Avropa İttifaqının maliyyələşdirdiyi və Beynəlxalq Dəniz Təşkilatı (IMO) tərəfindən icra olunan bu pilot layihə Piçilinqe (Pichilingue) limanında start götürüb.
Sistem gəmi göyərtəsində real vaxt rejimində yanacaq sərfiyyatını izləyir, səmərəlilik analizi aparır və əməliyyatların planlaşdırılmasına dəstək verir. Bu beynəlxalq layihə təkcə süni intellektli sistemi deyil, eyni zamanda limanların işini, külək gücü ilə hərəkət edən gəmiləri və köhnə gəmilərin modernləşdirilməsini sınaqdan keçirir.
Gəmi sahibləri bu texnologiya vasitəsilə sərtləşən ekoloji tələblərə əməl etməklə yanaşı, yanacaq xərclərini optimallaşdırmağın yollarını araşdırırlar.
