Böyük tutumlu ammonyak tankeri layihəsi hazırlanacaq
“MOL Coastal Shipping” (“Mitsui OSK. Lines, MOL” qrupuna daxildir) Yaponiyanın “Asahi Tanker” və “IKOUS” şirkətləri ilə birlikdə kabotaj marşrutlarda böyük həcmdə ammonyakın daşınması üçün ekoloji cəhətdən təmiz tankerin ilkin layihəsini hazırlayacaq.
“Seanews.az” “MOL” qrupunun mətbuat xidmətinə istinadən bildirir ki, tərəfdaşlar gəmini uzağı 2029-cu ildə suya buraxmağı planlaşdırırlar.
Layihənin təşəbbüskarları Yaponiyada ammonyaka tələbatının artım proqnozunu rəhbər tuturlar, ammonyak okean tankerləri ilə çatdırıldıqdan sonra kabotaj gəmiləri ilə elektrik müəssisələrinə və digər istehlakçılara çatdırılır. Hazırda bu yanacaq tutumu 1 min kubmetrdən çox olmayan kabotaj gəmiləri ilə daşınır. Lakin bu, iqtisadi cəhətdən səmərəsizdir. Bundan əlavə, bu sahədə dənizçi çatışmazlığı var. Kabotaj daşımaları üçün 10 min kubmetr tutumlu ammonyak tankeri yaratmaq lazım idi.
“Mitsui O.S.K. Lines” dünya miqyasında xətti və logistika xidmətlərinin ən böyük və ən çoxşaxəli şəbəkələrindən birini idarə edən multimodal nəqliyyat qrupudur. Qrupun hazırkı donanmasına ümumi dedveyti 54,7 milyon ton olan müxtəlif təyinatlı 800-ə yaxın gəmi daxildir.
