“Equinor” FPSO gəmisini Barents dənizində neft yatağında yerləşdirir
“Johan Castberg” neft yatağının işlənməsi layihəsinin operatoru olan “Equinor Energy” şirkəti Barents dənizində hasilat, saxlama və boşaltma (FPSO) gəmisini yerləşdirib.
“Seanews.az” “Equinor”-un mətbuat xidmətinə istinadən xəbər verir ki, gəmi lövbər saldıqdan sonra bu ilin sonunadək istehsala başlamaq üçün boru kəməri infrastrukturuna qoşulacaq.
“Yohan Castberq” yatağı Hammerfestdən 240 km şimal-qərbdə və “Snohvit” yatağından 100 km məsafədə yerləşir. Dərinliyi 370 metr, çıxarıla bilən ehtiyatları 450-650 milyon barel olan yatağın sənaye istismarı müddəti 30 ildir. Yatağın işlənməsi 10 sualtı modul üzrə paylanmış 30 quyunun və FPSO-ya qoşulacaq iki peyk quyusunun istismarını əhatə edir. Hazırda bu quyulardan 13-ü qazılıb və qazma əməliyyatları 2026-cı ilə qədər davam edəcək.
Sahəyə Hammerfestdə təchizat və helikopter bazası xidmət göstərəcək. Əməliyyat təşkilatı Harstadda yerləşəcək.
Layihənin operatoru 50% payla “Equinor Energy” şirkəti, tərəfdaşları “Var Energi” (30%) və “Petoro”-dur (20%).
Uzunluğu 313 metr, eni 55 metr, hündürlüyü 120 metr olan FPSO-nun layihə gücü 1,1 milyon barel neftdir.
