Petkim Holding”in mənfəəti 90% ar
Əsas payı Azərbaycan Dövlət Neft Şirkətinə məxsus olan “Petkim Holding”in 2017-ci ilin yekunlarına dair maliyyə göstəriciləri açıqlanıb. Türkiyənin İctimaiyyəti Məlumatlandırma Platformasından verilən xəbərə görə, ötən il “Petkim Holding”in gəlirləri əvvəlki ilə nisbətən 62,4% artaraq 7,364 mlrd. lirə (təxminən 1,933 mlrd. ABŞ dolları) təşkil edib. 2017-ci ildə şirkətin xalis mənfəəti isə 1,389 mlrd. lirə (təxminən 365 mln. ABŞ dolları) olu. Bu da 2016-cı illə müqayisədə 90% çoxdur. Bu il yanvarın 1-nə “Petkim Holding”in aktivləri 7,789 mlrd. lirə (təxminən 2,05 mlrd. dollar) təşkil edib. Bu isə ötən il yanvarın 1-nə nisbətən 24,2% çoxdur. Qeyd edək ki, SOCAR 2008-ci ildə “Petkim”in 51%-lik səhm paketini 2,04 mlrd. dollara alaraq Türkiyədəki fəaliyyətinə başlayıb. Şirkətin qalan səhmləri isə İstanbul Fond Birjasında (“Borsa İstanbul”) dövriyyədədir. “Petkim”in səhmlərinin qiyməti bu ilin əvvəlindən 4% artaraq 8,11 lirəyə çatıb. Ötən il isə qiymətli kağızların dəyəri 2,3 dəfə artım nümayiş etdirib. “Petkim” Türkiyənin ilk və yeganə neft-kimya kompleksi və Egey bölgəsinin ən böyük ixracatçısıdır. Report
