üstündə üzən velosiped noyabrda satışa çıxarılacaq – V
“Manta5 Hydrofoiler XE-1” adındakı su velosipedi görənləri heyran edir. Bu vasitə gəmilərin su üzərində yüksəlməsini təmin edən qanadlı hidrofoil texnologiyası ilə elektrikli velosiped məntiqini özündə birləşdirir. “Seanews.az” xəbər verir ki, vasitənin 400 vattlıq mühərriki və qanadları, istifadəçinin su üzərində sürət yığdıqca yüksəlməsini təmin edir. Batareyanı istehlak etməmək və daha uzun müddət istifadə edə bilmək üçün vasitənin pedalları da var. “Manta5 Hydrofoiler XE-1”-in gövdəsi karbon lifdən hazırlanıb. Bu da vasitəyə həm yüngüllük və möhkəmlik verir, həm də istifadəçi suya düşsə elektrik mühərriki ilə asan yüksələ bilməsini təmin edir. Elektrik mühərriki həm səssiz, həm də su keçirməz olaraq hazırlanıb. Yeni Zelandiya mənşəli dizayn firması Manta5 vasitəsini 2017-ci ilin noyabr ayında bazara çıxaracaq.
