Konteynerdaşıyan gəmilərin utilizasiyasında artım qeydə alınıb
Cari ilin əvvəlindən indiyədək dünyada ümumi tutumu 110 min TEU olan 57 konteynerdaşıyan gəmi doğranıb.
“Seanews.az” xəbər verir ki, ötən ilin eyni dövründə cəmi 4 konteynerdaşıyan gəmi doğranılmaya göndərilib. Onların da ümumi tutumu 2.7 min TEU olub.
Mütəxəssislərin proqnozlarına əsasən, bu ilin sonuna qədər ümumi tutumu 207 min TEU-ya bərabər olan 105 gəmi də utilizasiya olunacaq.
Doğranma tempinin artması yeni tikilən gəmilərin çoxalması ilə əlaqələndirilir. 2023-cü ilin ilk 6 ayında dünyada 126 yeni konteynerdaşıyan gəmi istismara verilib. İlin sonuna kimi konteyner donanmasına əlavə 210 gəminin daxil olması gözlənilir.
© Materiallardan istifadə edərkən hiperlinklə istinad olunmalıdır
