Beynəlxalq marşrut üzrə sərnişindaşıma xidməti bərpa edilib
Üç ildən artıq fasilədən sonra “Nijneleninskoye (RF) – Tunszyan (ÇXR)” beynəlxalq marşrutu üzrə sərnişindaşıma xidməti bərpa edilib.
“Seanews.az” xəbər verir ki, sərnişin xidməti koronavirus pandemiyası ilə əlaqədar 2020-ci ilin fevral ayından fəaliyyət göstərmirdi.
Nijneleninski gömrük postunun rəis müavini Yeqor Popoviçin sözlərinə görə, marşrutda 200 nəfərlik bir sərnişin gəmisi və 150 nəfərlik yük-sərnişin bərəsi fəaliyyət göstərəcək. Nijneleninskoyedən Tunszyana səfər 30-40 dəqiqə çəkir.
Nijnelenininskoye keçid məntəqəsində bazar istisna olmaqla hər gün saat 08.00-dan 20.00-dək sərnişinlərin qeydiyyatı aparılır.
© Materiallardan istifadə edərkən hiperlinklə istinad olunmalıdır
