Şanxay limanının yük dövriyyəsi 10% artıb
2023-cü ilin yanvar-avqust aylarında Çinin Şanxay limanının yük dövriyyəsi bir il əvvəlki ilə müqayisədə 10% artaraq 371 milyon ton təşkil edib.
Liman administrasiyasının məlumatına görə, hesabat dövründə konteyner dövriyyəsi 3,5% artaraq 3,21 milyon TEU-ya çatıb.
“PortNews” xəbər verdiyi kimi, başqa bir Çin limanı olan Honkonqda isə, əksinə, 2023-cü il ərzində yük aşırılmasında azalma davam edir. 2023-cü ilin yanvar-avqust aylarında limanın konteyner dövriyyəsi 15,1% azalaraq 9,55 milyon TEU-ya, o cümlədən ən böyük konteyner terminalı olan Kvay Sinq vasitəsilə aşırılma 16,6% azalaraq 7,4 milyon TEU-ya düşüb.
Şanxay limanı Çinin dərin sulu dəniz və çay limanıdır. 2022-ci ildə limanda 513,7 milyon ton yük aşırılıb.
“Seanews.az”
© Materiallardan istifadə edərkən hiperlinklə istinad olunmalıdır
