İki üzən terminal icarəyə verilib
“Seanews.az” xəbər verir ki, “Uniper” şirkəti “Dynagas” tərəfindən idarə olunan iki yeni üzən mayeləşdirilmiş təbii qazın saxlanması, emalı və boşaldılması (FSRU) sisteminin uzunmüddətli nizamnamə əsasında Almaniyaya təhvil verilməsini asanlaşdırıb. Üzən terminalların alınması Almaniyanın qaz idxalçılarına qaz tədarükünün şaxələndirilməsi və etibarlılığının artırılması məqsədi daşıyır.
Üzən sistemlər 2021-ci ildə tikilib. İki FSRU-dan paylanmış təbii qazın illik ümumi həcmi 7,5 milyard kubmetr, hər birinin LNG saxlama qabiliyyəti isə 174 min kubmetr qiymətləndirilir. Şirkətin məlumatına görə, LNG-nin ümumi həcmi Rusiyanın Almaniyaya idxal etdiyi qazın demək olar ki, 30%-nə çata bilər.
Almaniya hökuməti tərəfindən seçilmiş quru ərazilərdə infrastrukturun tikintisi və istismara verilməsi başa çatarsa, iki FSRU 2023-cü ilin əvvəlində qazın ilk partiyasının nəqli ilə fəaliyyətə başlaya bilər.
Hazırda dünyada müqavilələr əsasında əməliyyatlar həyata keçirən 48 FSRU üzən terminalı fəaliyyət göstərir. FSRU-nun quraşdırılması LNG idxal infrastrukturunun istismara verilməsini sürətləndirməyə imkan verir. Oxşar qurğular Litva, İtaliya, Xorvatiya və Türkiyədə yerləşir.
Almaniyanın “Uniper” enerji holdinqinin Niderlandın Heyte, Böyük Britaniyanın Qreyn adası və İspaniyadakı terminallarının reqazifikasiya qurğularına çıxışı var. Yunanıstanın “Dynagas” şirkəti ümumi tutumu təxminən 3 milyon kubmetr olan 18 LNG tankeri və FSRU-dan ibarət donanmanı idarə edir.
