Türkiyə dəniz yolu ilə LNG ixrac etməyi planlaşdırır
Yaxın illərdə Türkiyədə təbii qazın mayeləşdirilməsi zavodlarının tikilməsi planlaşdırılır.
“Seanews.az” xəbər verir ki, o, dəniz gəmiləri ilə xaricə çatdırılacaq.
Belə zavodların tikintisi Türkiyə parlamentinin mayın 2-də qəbul etdiyi və respublikanın idxal etdiyi mayeləşdirilmiş təbii qazın (LNG) satışına icazə verən qanun layihəsi sayəsində mümkün olub. Bu sənəd Türkiyənin beynəlxalq qaz mərkəzinə çevrilməsi və onun vasitəsilə Avropaya, o cümlədən Rusiyadan təbii qazın tədarükü üçün qanunvericilik bazasını gücləndirdi.
Türkiyənin Energetika Nazirliyi qeyd edib ki, respublika Qara dənizdə öz təbii qazını hasil edir, Azərbaycan, Rusiya və İrandan idxal edir, həmçinin müxtəlif ölkələrdən LNG şəklində alır. Hazırda Türkiyədə qazın mayeləşdirilməsi zavodu yoxdur. Onların həm dövlət proqramları çərçivəsində, həm də özəl investisiyalar hesabına tikilməsi planlaşdırılır.
Türkiyənin Enerji Tənzimləmə İdarəsinin məlumatına görə, ötən il Türkiyə 50,5 milyard kubmetr təbii qaz idxal edib və onun təxminən 30%-i LNG şəklində olub. Ekspertlərin fikrincə, yaxın illərdə bu həcm 40%-ə qədər artacaq.
