“Saipem” nüvə enerjisinin artan ehtiyacları ödəyə biləcəyinə inanır
İtaliyanın “Saipem” şirkəti (Norveçin “Saipem Offshore Norway” şirkəti tərəfindən idarə olunur) və Britaniyanın “Newcleo” şirkəti sıfır emissiya ilə elektrik enerjisi istehsalı üçün az güclü üzən reaktor (“SMR”) texnologiyasından istifadə imkanlarının birgə tədqiqatı haqqında saziş imzalayıblar.
“Seanews.az” xəbər verir ki, müqaviləyə üzən “SMR” prototiplərinin hazırlanması üçün texniki-iqtisadi əsaslandırma daxildir.
Bu müqavilənin məqsədi dənizdəki neft və qaz hasilatı obyektlərini yaşıl enerji və istiliklə təmin etmək üçün Böyük Britaniya şirkətinin Kiçik Modul Qurğuşunla Soyudulmuş Sürətli Reaktor (“SM-LFR”) texnologiyasının tətbiqini araşdırmaqdır.
Müqavilə həmçinin sahil elektrik şəbəkəsinə və ya digər istifadəçilərə qoşulmuş üzən atom elektrik stansiyalarından elektrik enerjisi istehsal etmək üçün “Newcleo” texnologiyasının istifadəsini genişləndirməyə imkan verir.
“Saipem”-in nüvə enerjisinə marağı onun enerji keçidini dəstəkləmək və 2050-ci ilə qədər “Net Zero” məqsədinə nail olmağa töhfə vermək üçün texnoloji inkişaf proqramının bir hissəsidir.
