Hamburq limanı yaxınlığında təxminən 42 min litr neft məhsulları dağılıb
Hamburqdakı konteyner limanının yaxınlığındakı Katvikhaven kanalına azı 42 min litr neft məhsulları tökülüb.
“Seanews.az” xəbər verir ki, bu barədə “Bild” qəzeti yanğınsöndürmə xidmətinə istinadən yazır.
Nəşrin məlumatına görə, sızma “Green Port” şirkətinin ərazisində yerləşən çəndən baş verib. Şirkət tullantıların idarə olunması, o cümlədən toplanması, daşınması, saxlanması və emalı üzrə ixtisaslaşıb.
Dağılmanın tam olaraq necə baş verdiyi hələ aydın deyil.
Hazırda 90 min kubmetrdən çox ərazi çirklənib. Qəza-xilasetmə xidmətləri üzən “çəpərlər”dən istifadə edərək dağılmış neftin yayılmasının qarşısını almağa çalışır. Quraşdırılmış maneələr çirklənmiş suyun Elbanın əsas kanalına daxil olmasının qarşısını almaq üçün nəzərdə tutulub. Xüsusi kameralarla təchiz edilmiş polis helikopteri də vəziyyəti izləmək üçün əməliyyata cəlb olunub.
