AR il ərzində 38 yeni quyunun tikintisini başa çatdı
Cari ilin iyununda SOCAR (Müştərək Müəssisələr və Əməliyyat Şirkətləri istisna olmaqla) 10 450 metr qazma işi həyata keçirib. Azərbaycan Dövlət Neft Şirkətindən verilən məlumata görə, bu sahədə görülmüş işlərin 10 111 metri istismara, 339 metri isə kəşfiyyata aid olub. Ümumiyyətlə, bu ilin yanvar-iyun aylarında SOCAR üzrə (Müştərək Müəssisələr və Əməliyyat Şirkətləri istisna olmaqla) 73 789 metr qazma işi görülüb. Bunun da 68 007 metri istismara, 5 782 metri isə kəşfiyyata aid olub. Bu ilin iyun ayında 8 , il ərzində isə 38 yeni quyu tikinti ilə başa çatdırılaraq mədənçilərə təhvil verilib.
© Materiallardan istifadə edərkən hiperlinklə istinad olunmalıdır
