Keçən il “USS Portland” gəmisində daha təkmil lazer sistemi sınaqdan keçirilib
ABŞ Hərbi Dəniz Qüvvələri hipersəs raketlərinə qarşı potensial müdafiə kimi yönləndirilmiş enerji sistemləri inkişaf etdirir.
Ordu.az xəbər verir ki, bu barədə ABŞ Hərbi Dəniz Qüvvələrinin baş admiralı Mişel Gilday məlumat verib.
O, Rusiya və Çinin hipersəs silah texnologiyasındakı irəliləyişlərini “əsas problem” adlandırıb.
Admiral təhlükəni məhv etmək üçün yüksək enerjili lazerlərdən və ya yüksək güclü mikrodalğadan istifadə edəcək sistemlərin inkişaf etdirilməsinin Hərbi Dəniz Qüvvələri üçün əsas prioritet olduğunu bildirib.
Səsdən beş dəfə və ya daha sürətli uçan hipersəs raketlər “ABŞ müdafiə sistemləri üçün unikal problem” yaradır. Onlar ənənəvi raketlərdən daha sürətli hərəkət edirlər və ballistik raketlər kimi proqnozlaşdırıla bilən trayektoriyaları izləmirlər, bu da onları aşkar etmək və ələ keçirməyi xeyli çətinləşdirir.
2014-cü ildə Hərbi Dəniz Qüvvələri Fars körfəzində “USS Ponce” gəmisində lazer silah sistemini uğurla sınaqdan keçirib. Sistem PUA-ları, kiçik təyyarələri və kiçik qayıqları vura bilir. Keçən il Hərbi Dəniz Qüvvələri “USS Portland” gəmisində daha təkmil lazer sistemini sınaqdan keçirib.
