Hidrogenlə işləyən ilk yedək gəmisi suya buraxılıb
İspaniyanın “Astilleros Armon” tərsanəsində dünyanın hidrogenlə işləyən ilk yedək gəmisi suya buraxılıb.
“Seanews.az”-ın məlumatına görə, Belçikanın Antverpen-Brügge limanının sifarişi ilə tikilən gəmi“ Schottel” pərvanə-sükan kompleksi ilə təchiz olunacaq.
Gəminin istismara verilməsi 2023-cü ilin əvvəlinə planlaşdırılır.
Sifarişçiyə təhvil verildikdən sonra yedək gəmisi Avropanın ikinci ən böyük yükaşırma müəssisəsi olan Antverpen-Brügge limanına yan alacaq gəmilərə xidmət göstərəcək.
1963-cü ildə əsası qoyulan “Astilleros Armon” gəmiqayırma qrupu altı şirkəti birləşdirir. Qrup indiyədək 950-dən çox gəmi inşa edib. “Astilleros Armon” uzunluğu 180 metrdən çox olmayan müxtəlif növ gəmilərin, o cümlədən balıqçı, yedək, təchizat gəmilərinin tikintisi üzrə ixtisaslaşmışdır.
